कर्मवीरांवरील श्रद्धा हाच खरा भक्तिभाव : प्रमोद तोरणे

 लोहगाव (वार्ताहार) : कर्मवीर अण्णा हे शिक्षणाचे ज्ञानगंगा घरापर्यंत पोहोचविणारे शिक्षणमहर्षी असून रयत मधील शिक्षक आणि विद्यार्थ्यांचे दैवत आहे. रयत सेवकांची कर्मवीरांवरील श्रद्धा हाच खरा भक्तिभाव आहे, असे प्रतिपादन सहाय्यक विभागीय अधिकारी प्रमोद तोरणे यांनी केले.

 प्रवरानगर येथील महात्मा गांधी शैक्षणिक संकुलातील सेविका ममताज शेख यांचा सेवापूर्ती समारंभ नुकताच आयोजित करण्यात आला होता. कार्यक्रमाचे अध्यक्ष श्रीरामपूर दूध संघाचे चेअरमन सुधीर म्हस्के हे होते. तर प्रमुख पाहुणे म्हणून सहाय्यक विभागीय अधिकारी प्रमोद तोरणे हे उपस्थित होते. कार्यक्रमाच्या सुरुवातीला प्रमुख पाहुणे व अध्यक्ष यांच्या हस्ते कर्मवीर भाऊराव पाटील व लक्ष्मीबाई पाटील यांच्या प्रतिमेचे पूजन करण्यात आले. कार्यक्रमाचे प्रास्ताविक व स्वागत प्राचार्य विनायक मेथवडे यांनी केले. यावेळी सत्कारमूर्ती मुमताज शेख यांचा मान्यवरांच्या हस्ते सन्मान करण्यात आला. याप्रसंगी संजय ठाकरे, भारती भुसारी, गोरक्षनाथ बनकर, शिवाजी बेंद्रे, माजी प्राचार्य मधुकर अनाप, माजी प्राचार्य अंगद काकडे, माजी प्राचार्य अण्णासाहेब साबळे, तौसिक शेख, सत्कारमूर्ती मुमताज शेख यांनी आपले मनोगत व्यक्त केले. प्रमुख पाहुणे प्रमुख तोरणे यांनी रयत सेवकांची एकनिष्ठा आणि त्यागाविषयी विचार मांडून शेख यांना शुभेच्छा दिल्या. सुधीर म्हस्के यांनी सामाजिक, शैक्षणिक कार्यप्रती रयत सेवकांची जबाबदारी महत्त्वाची आहे. रयत सेवक हा एकसंघ परिवार असून रयत सेवक निष्ठेने आणि ध्येयाने एकरूप असल्याचे मत व्यक्त त्यांनी व्यक्त केले. यावेळी माजी विद्यार्थी शिवाजी बेंद्रे यांनी ॲग्री विषययात प्रथम येणाऱ्या विद्यार्थ्यास बक्षीसासाठी पन्नास हजार रुपयांचा ठेवीचा चेक प्राचार्य विनायक मेथवडे यांच्याकडे सुपूर्द केला. तर कन्या विद्यालयासाठी पन्नास हजार रुपये देणगी व मुमताज शेख यांनी मुले विभागासाठी अकरा हजार रुपये देणगी जाहीर केली. याप्रसंगी रतिलाल भंडारी. चंदूभाई तांबोळी, भाऊसाहेब पेटकर, समशेर पठाण, माजी प्राचार्य जी. टी. गमे, मुख्याध्यापक देवराम वडीतके, गणीभाई शेख, राजूभाई शेख, सलीम शेख, मुख्याध्यापिका नलिनी जाधव, उपप्राचार्य अलका आहेर, पर्यवेक्षिका संगीता सांगळे, पर्यवेक्षिका शोभा कडू, पर्यवेक्षिका संजीवनी आंधळे, शोभा चौधरी, शरद शिंदे, जावेद शेख, गफार तांबोळी, मुस्ताक पटेल, यासीन शेख, समीर पटेल, जावेद तासगावकर, सादिक शेख, सलीम शेख, बानू शेख आदी उपस्थित होते. कार्यक्रमाचे सूत्रसंचालन डॉ. शरद दुधाट, अश्विनी सोहोनी व रेणुका वरपे यांनी केले. तर शेवटी उपमुख्याध्यापक दिलीपराव डहाळे यांनी आभार मानले.