दरम्यान दि.13 फेब्रुवारी 2026 रोजी होऊ घातलेल्या ऐतिहासिक शिर्डी परिक्रमेची घोषणा आज या निमित्ताने करण्यात आली. या कार्यक्रमास साईबाबा संस्थानचे मुख्य कार्यकारी अधिकारी गोरक्ष गाडीलकर, शिर्डी नगर परिषदेचे जेष्ठ नगरसेवक अभय राजे शेळके, साई संस्थान एम्प्लॉईज सोसायटीचे चेअरमन विठ्ठल पवार, नवनिर्वाचित नगरसेवक मंगेश त्रिभुवन, नगरसेवक अमित शेळके, नगरसेवक नंदू गोंदकर, नगरसेवक दीपक गोंदकर, नगरसेवक बापू ठाकरे, ग्रीन अँड क्लीन शिर्डीचे अध्यक्ष अजित पारख, ॲड अनिल शेजवळ, मनीलाल पटेल, सोसायटीचे संचालक रामभाऊ गागरे, संजय शिरडीकर, मयूर चोळके, ऋषी माळी, मनोज वाघ, माऊली जवक, नारायण दराडे, विश्वनाथ गायकवाड, श्री गवारे, रोहित गुंजाळ, प्रज्वल त्रिभुवन आदी सह साई संस्थान बगीचा विभागाचे भणगे उपस्थित होते. यावेळी प्रधान लेंडी बागेत 50 रातराणीची झाडे मान्यवरांच्या उपस्थितीत लावण्यात आली. यावेळी बोलताना मनीलाल पटेल म्हणाले, 13 फेब्रुवारी 2026 रोजी शिर्डी परिक्रमा महोत्सव असल्याने दरवर्षी नवीन विचार संकल्प समोर येतो आणि पवित्र लेंडी बागेत 50 झाडे लावण्यात आली. ज्या दिवशी या फुलांचा सुगंध चावडी द्वारकामाईपर्यंत पोहोचेल तेव्हाच खऱ्या अर्थाने शिर्डी परिक्रमा आणि ग्रीन अँड क्लीन शिर्डी तसेच शिर्डी ग्रामस्थांचे उद्दिष्ट साध्य होईल असा विश्वास त्यांनी व्यक्त केला. ज्येष्ठ नगरसेवक अभय शेळके म्हणाले 13 फेब्रुवारी साई भक्तांच्या स्वागतासाठी शिर्डी ग्रामस्थ सज्ज झाले आहेत. त्याचाच एक भाग म्हणून या बाबांच्या पवित्र लेंडी बागेत रातराणीची झाडे लावली असून त्याचा सुगंध शिर्डी सह परिसरात दरवळणार आहे. आम्ही सर्व नगरसेवक यासाठी पाऊल उचलले असून आपण देखील या परिक्रमेसाठी पाऊल उचलावे असे आव्हान त्यांनी केले. नगरसेवक दीपक गोंदकर म्हणाले,13 फेब्रुवारी रोजी शिर्डी परिक्रमेत जास्तीत जास्त भाविकांनी सहभागी व्हावे, लेंडी बागेतील या रातराणी फुलांचा सुगंध मंदिर तसेच संपूर्ण परिसरात दरवळेल. नगरसेवक अमित शेळके म्हणाले की बाबांच्या आशीर्वादाने ही लेंडी बाग विकसित होणार असून प्रदूषण मुक्त शिर्डी शहर व्हावे यासाठी सर्वप्रथम आमचा पुढाकार असणार आहे. नगरसेवक मंगेश त्रिभुवन म्हणाले की 1911 मध्ये निस्सीम साईभक्त तात्या पाटील कोते यांच्या अध्यक्षतेखाली स्वच्छता कमिटी स्थापन करण्यात आली होती.
0 Comments