संगमनेरातील सर्व पंथीय चर्चेस मध्ये नाताळ उत्साहात साजरा.
संगमनेर (प्रतिनिधी)- ख्रिस्त जन्म म्हणजे माणुसकीचा जन्म असून ख्रिस्ताने आपल्या कार्यातून व आपल्या वर्तणुकीतून माणुसकीला जन्म दिला असल्याचे प्रतिपादन सेंट जोसेफ टेक्निकलचे व्यवस्थापक धर्मगुरू फा. विजय चाेखर यांनी केले. ख्रिस्त जयंती निमित्त भाविकांना संदेश देताना ते बोलत होते.
फा.चाेखऱ पुढे म्हणाले की, नाताळ सण हा समजून घेतला तर जीवनात कोणत्याच वाईट प्रथांचे अतिक्रमण होणार नाही. शांतीचा संदेश देणाऱ्या ख्रिस्त जन्मदिनी राष्ट्रीय एकात्मता जोपासण्यासाठी सर्वांनी प्रयत्न करायला हवेत सेंट मेरी धर्मग्राम प्रमुख फा. जाे. गायकवाड, ज्ञानमाता विद्यालयाचे प्राचार्य फा. फ्रान्सिस पटेकर, फा. प्रशांत शहाराव, फा जयसिंग, सेंट मेरी कॉन्व्हेंट्सच्या सिस्टर्स, संत ईगनाथी चर्चेचे प्रमुख धर्मगुरू फा.नेल्सन परेरा, मॅथोडिस्ट चर्चेचे रेव्ह. सतीश मिरजकर, बेथेल वर्शिप सेंटरचे पा.शिवाजी लांडगे, बिलिव्हर्स चर्चेचे पास्टर ग्रेगरी केदारी, दीपक शेळके, अमोल साळवे, बापू शेळके, विजय दारोळे, मच्छिंद्र जगताप, आदींनी आपापल्या चर्चेस मधून धार्मिक एकोपा, सर्वत्र शांतता प्रस्थापित व्हावी राजकीय परिस्थितीमध्ये स्थिरता यावी म्हणून ख्रिस्त जयंती निमित्ताने आपल्या माणुसकीचा वर्षाव सत्कृत्याद्वारे गरीब दुबळे व गरजवंतांसाठी व्हावा हा महत्त्वाचा संदेश दिला धार्मिक विधी व विविध सांस्कृतिक कार्यक्रमाद्वारे ख्रिस्त जन्म सोहळा तालुक्यात सर्वत्र मोठ्या उत्साहात साजरा करण्यात आला. ख्रिस्ती बांधवांबरोबरच माजी महसूल मंत्री बाळासाहेब थोरात, डॉ.सुधीर तांबे, आ. सत्यजित तांबे, माजी नगराध्यक्षा दुर्गाताई तांबे, नगराध्यक्षा मैथिली तांबे आदींनी समस्त ख्रिस्ती बांधवांना शुभेच्छा दिल्या.
यावेळी ऑल इंडिया ख्रिश्चन फोरमचे सहसंचालक अनिल भोसले, अँड. विजयानंद पगारे, प्रा बाबा खरात, आरपीआयचे तालुका अध्यक्ष आशिष शेळके, बाळासाहेब घोडके, अँड रवी शेळके, अरविंद सांगळे, कैलास भोसले, प्रभाकर चांदेकर, रमेश कोळगे, सुखदेव शेळके, सचिन सोनवणे, प्रभाकर दुशिंग, सचिन मुन्तोंडे, लॉरेन्स गायकवाड, प्रवीण रोहम, सत्यानंद कसाब, अजित पाटोळे, लाजारस केदारी, अजय जाधव, रमेश जगताप, सनी गायकवाड, सिमोन रुपटक्के, संजय कदम, अनुप कदम, भाऊसाहेब यादव, प्रशांत यादव आदींसह ख्रिस्ती बांधव मोठ्या संख्येने उपस्थित होते.
0 Comments