सात तासांच्या रेस्क्यू मोहिमेत विहीरीत पडलेले वानरास बाहेर काढण्यात यश, सोयगाव तालुक्यातील तिडका शिवारातील घटना--

दिलीप शिंदे सोयगाव

सोयगाव दि.26 - पाण्याच्या व अन्नाच्या शोधार्थ विहिरीत पडलेल्या मादी प्रजातीच्या वानराला वनविभागाच्या स्थानिक पथकाने पट्टीच्या पोहणाऱ्या च्या मदतीने दि.26 बुधवारी  सायंकाळी चार वाजता विहिरीच्या बाहेर काढण्यात यश आले.

 सोयगाव तालुक्यातील तिडका शिवारातील गट क्र-40 मध्ये शेतकरी न्याज अहमद शेख यांच्या विहिरीत वानर पडल्याचे बुधवारी सकाळी सात वाजता लक्षात आले. स्थानिक शेतकऱ्यांच्या मदतीने या मादी वानरला विहीरी बाहेर काढण्यासाठी शेतकऱ्यांनी प्रयत्न केले परंतु प्रयत्न असफल ठरल्या मुळे सकाळी नऊ वाजता वनविभागाच्या पथकाला घटनास्थळी बोलाविण्यात आले परंतु अकरा वाजेपर्यंत ही वनविभागाला वानर विहीरी बाहेर काढण्यासाठी अडचणी निर्माण झाल्या त्यामुळे छत्रपती संभाजीनगर वरून बचाव पथक बोलाविण्यात आले पथकाला येण्यासाठी वेळ लागणार असल्याने वनविभागाने ईश्वर सपकाळ आणि सर्जेराव पवार या दोन पट्टीच्या पोहणाऱ्यांची मदत घेऊन पुन्हा दुपारी बारा वाजता रेस्क्यू मोहीम सुरू केली अखेर सायंकाळी चार वाजता विहिरीतील वानर स्थानिक रेस्क्यू पथकाच्या हाती आले व त्यास सात तासांनी विहिरीबाहेर काढण्यात यश आले त्यानंतर त्याची वैद्यकीय तपासणी करून त्या वानरला नैसर्गिक अधिवासात सोडण्यात आले. दरम्यान छत्रपती संभाजीनगर येथील बचाव पथकाला फुलंब्री जवळून माघारी फिरावे लागले. वनपरिक्षेत्र अधिकारी अनिल मिसाळ हे मात्र घटनास्थळी हजर नव्हते. वनरक्षक नितेश मुलताने,नितीन सोनवणे, टी.व्ही. मनगटे,सोमनाथ पायगव्हान,आदींसह आप्पा वाघ, ईश्वर सपकाळ,सर्जेराव पवार,आदींची उपस्थिती होती.

(सहयोगी बातमीदार दिलीप शिंदे सोयगाव)