संत कृष्णाजी बाबा महाराज यांची सहा व सात जानेवारी रोजी यात्रा उत्सव.

सोनगाव (वार्ताहर)

सोनगाव पंचक्रोशीचे आराध्य दैवत, जागृत देवस्थान श्री. संत कृष्णाजी बाबा महाराज यांची सालाबाद प्रमाणे भरणारी यात्रा सोमवार आणि मंगळवार दि. 6 व 7 जानेवारी रोजी संपन्न होत आहे. 

सोनगाव व प्रवरा परिसरातील सर्वात जुनी व ग्रामीण भागातील यात्रा म्हणून अनापवाडीची यात्रा प्रसिद्ध आहे. लोणी, कोल्हार यानंतर अनापवाडी येथील यात्रा मोठी भरते. बाबांच्या यात्रेसाठी जिल्ह्यातून व पर जिल्ह्यातून अनेक भाविक भक्त दर्शनासाठी येत असतात. तसेच अनेक भाविक आपल्या मनोकामना पूर्ण झाल्यावर बाबांचा नवसपूर्ती  करतात. यात्रेनिमित्त यात्रा कमिटीच्या वतीने अनेक कार्यक्रमाचे आयोजन करण्यात आले आहे. सोमवारी पहाटे सहा वाजता गोदाजलाने जलाभिषेक केला जातो, दुपारी बारा वाजता छबीना मिरवणूक, रात्री आठ वाजता मानाच्या काठ्यांची मिरवणूक, रात्री नऊ वाजता महाराष्ट्रातील गाजलेले वगनाट्य सौंदर्य तारका नृत्य अप्सरा सविताराणी पुणेकर यांचा लोकनाट्य तमाशा होईल. मंगळवारी सकाळी आठ वाजता कलावंतांच्या हजेरीचा कार्यक्रम व दुपारी चार वाजता महाराष्टातील नामवंत पैलवानांच्या कुस्त्यांचा जंगी हंगामा होईल.