महाराष्ट्रातील महायुती सरकारने पालकमंत्र्यांची यादी केली जाहीर! मुख्यमंत्री देवेंद्र फडणवीस यांच्याकडे गडचिरोली तर उपमुख्यमंत्री अजित पवार यांच्याकडे पुणे आणि बीड तर एकनाथ शिंदे यांच्याकडे ठाणा जिल्हा पालकमंत्री पद!

मुंबई ( प्रतिनिधी) महायुती सरकारच्या पालकमंत्र्यांची यादी जाहीर झाली आहे. गेल्या अनेक दिवसांपासून लांबणीवर पडलेल्या पालकमंत्रिपदाची यादी अखेर जाहीर करण्यात आली आहे. राज्याचे मुख्यमंत्री नामदार देवेंद्र फडणवीस यांनी ही यादी जाहीर केली आहे.

या यादीमध्ये तीन जणांना सहपालकमंत्रिपद देण्यात आलं आहे तर उपमुख्यमंत्री अजित पवार यांना बीड आणि पुणे या दोन जिल्ह्यांची जबाबदारी सोपवली आहे. त्यामुळे धनंजय मुंडे यांचा पत्ता कट झाल्याचं आता स्पष्ट झालं आहे. धनंजय मुंडे यांना मंत्रिपद मिळू नये म्हणून विरोध दर्शवला जात होता. संतोष देशमुख हत्या प्रकरणामुळे धनंजय मुंडे यांचा पत्ता कट झाला आहे. पंकजा मुंडे यांना जालनाचे पालकमंत्रिपद मिळाले आहे. तीन जिल्ह्यांत सहपालकमंत्री असणार आहे. कोल्हापूरमध्ये दोन पालकमंत्री करण्यात आले आहे. हसन मुश्रीफ ऐवजी प्रकाश आबिटकर आणि माधुरी मिसाळ यांना ही जबाबदारी दिली आहे. हसन मुश्रीफ यांच्याकडे वाशिमचे पालकत्व दिले आहे. रायगडमध्ये भरत गोगावले आणि आदिती तटकरे यांच्यात स्पर्धा होती. परंतु त्या ठिकाणी आदिती तटकरे यांना रायगडची जबाबदारी दिली आहे.