लोहगाव (वार्ताहर): लोहगाव येथील सामाजिक कार्यकर्ते संजय इनामके यांना नुकताच राहुरी येथील आधार फाउंडेशनचा राज्यस्तरीय समाजभूषण पुरस्कार जाहीर झाला आहे.
सामाजिक क्षेत्रात सातत्यपूर्ण उत्कृष्ट कामगिरीची दखल घेऊन आधार फाउंडेशन च्या वतीने कार्याचा गौरव म्हणून हा पुरस्कार देण्यात आला आहे. संजय इनामके हे अखिल भारतीय महात्मा फुले समता परिषद राहाता तालुका सरचिटणीस आहेत. थोर महापुरुषांच्या जयंती व पुण्यतिथी माध्यमातून समाजात जनजागृती करणे, ओबीसी उपेक्षित व वंचित समाजातील जनसामान्यांच्या अडचणी सोडवणे आदी सामाजिक कार्याची दखल घेऊन आधार फाउंडेशनने राज्यस्तरीय समाजभूषण पुरस्काराने सन्मानित केले आहे. शनिवार दि. 13 जून रोजी महात्मा फुले कृषी विद्यापीठ राहुरी येथे सकाळी10 ते 2 या वेळेत अण्णासाहेब शिंदे बहुउद्देशीय हॉल या ठिकाणी राज्यस्तरीय समाजभूषण पुरस्काराचे वितरण होणार आहे.
0 Comments