जिल्हास्तरीय शालेय कुस्ती स्पर्धेत टाकळीभान हायस्कूलच्या करण गव्हणेचा द्वितीय क्रमांक

दिलीप लोखंडे 

टाकळीभान प्रतिनिधी :जिल्हा क्रीडा अधिकारी कार्यालय , अहिल्यानगर यांच्यावतीने घेण्यात आलेल्या जिल्हास्तरीय शालेय कुस्ती स्पर्धेत रयत शिक्षण संस्थेच्या , टाकळीभान येथील न्यू इंग्लिश स्कूल व आण्णासाहेब पटारे पाटील कनिष्ठ महाविद्यालयाचा विद्यार्थी करण बाबासाहेब गव्हाणे याने १७ वर्षे वयोगटामध्ये द्वितीय क्रमांक  संपादन केला असल्याची माहिती विद्यालयाचे मुख्याध्यापक आर .एम . शिंदे यांनी दिली आहे .

    कोकमठाण येथील आत्मा मालिक कुस्ती केंद्र येथे नुकत्याच जिल्हास्तरीय शालेय कुस्ती स्पर्धा संपन्न झाल्या .या कुस्ती स्पर्धेमध्ये करण बाबासाहेब गव्हाणे याने  द्वितीय क्रमांक संपादन केला आहे .त्याच्या या यशाबद्दल  रयत शिक्षण संस्थेच्या मॅनेजिंग कौन्सिल सदस्या मीनाताई जगधने , ,टाकळीभान सोसायटीचे चेअरमन मंजाबापू थोरात , स्थानिक स्कूल कमिटीचे सदस्य राहुल पटारे टाकळीभान पत्रकार संघ व पंचक्रोशीतील शिक्षण प्रेमींनी अभिनंदन केले आहे .करण गव्हाणे याला विद्यालयाचे मुख्याध्यापक  आर .एम .शिंदे ,पर्यवेक्षक एस . एस . जरे ,  क्रीडाशिक्षक एस .एस . राठोड , बी . व्ही. देवरे ,  ओन्ली साई क्रीडा मंडळ, आझाद क्रीडा मंडळ आदींचे मार्गदर्शन लाभले .