श्री क्षेत्र सावळीविहिर येथे संत सेना महाराज पुण्यतिथी निमित्त अहिल्यानगर नाभिक सेनेचे अध्यक्ष मनोज वाघ,व महाराष्ट्राचा लाडका कीर्तनकार पुरस्कारप्राप्त हभप हर्षल महाराज भागवत यांची भेट!

शिर्डी ( प्रतिनिधी) श्री संत सेनामहाराज पुण्यतीथी निमित्ताने श्रीक्षेत्र सावळी विहीर बुद्रुक येथे श्री संत सेना महाराज व श्री विठ्ठल रुक्मिणी माता मंदिरामध्ये व श्री हनुमान मंदिराच्या सभा मंडपात विविध कार्यक्रमाचे आयोजन करण्यात आले असून या कार्यक्रमांना मंगळवारी प्रसिद्ध कीर्तनकार व महाराष्ट्राचा लाडका कीर्तनकार म्हणून पुरस्कार मिळालेले हभप हर्षल महाराज भागवत तसेच अहिल्यानगर जिल्हा नाभिक सेना जिल्हाध्यक्ष मनोज वाघ व संजय जाईबहार यांनी  भेट दिली. 

 राहाता तालुक्यातील श्रीक्षेत्र सावळीविहीर बुद्रुक येथे नर्मदेश्वर सेवा धाम पिंपरी निर्मळ येथील महंत आत्माराम गिरीजी महाराज यांचे मार्गदर्शनाने शिवलीला अमृत ग्रंथ पारायण मंगळवारी 19 ऑगस्ट रोजी सुरू होते. येथे त्यांनी भेट देऊन पारायणास व संत सेना महाराज पुण्यतिथी निमित्त शुभेच्छा दिल्या. यावेळी महाराष्ट्राचा लाडका किर्तनकार म्हणून पुरस्कार मिळालेले ह.भ.प. हर्षल  महाराज भागवत,  आहिल्यानगर नाभिक सेना अध्यक्ष मनोज वाघ,व  श्री संजय जाईबहार यांचा संत नाभिक सेना मंडळाच्या वतीने या सर्व मान्यवरांचा पारायण स्थळी शाल देऊन सन्मान करण्यात आला. यावेळी ह भ प मनोज बिडवे महाराज,ह भ प राजू महाराज पवार,दीपक कदम, राजकुमार गडकरी, राजेंद्र जपे, चंद्रकांत जपे,योगेश पाचोरे, नाना कदम,  किशोर अहिरे, सुनील कदम,कैलास सोनवणे, आदींसह संत नाभिक सेना मंडळाचे सदस्य,  पारायणार्थी यावेळी उपस्थित होते.