शिर्डी (प्रतिनिधी) शिर्डी मध्ये साईसंस्थांनच्या नेत्रपेढी मधून यशस्वी डोळ्याची शस्त्रक्रिया होऊन भोकरदन येथील रुग्ण भगवान तळेकर यांना स्पष्टपणे दिसायला लागल्यानंतर त्यांनी दवाखान्यातून डिचार्ज दिल्यानंतर प्रथम साई मंदिरात येऊन साईबाबांचे दर्शन घेतले व मोठे समाधान व्यक्त करत साईबाबांची कृपा व संस्थान आणि डॉक्टरांचे आभार मानत सर्व वैद्यकीय टीमला धन्यवाद दिले.
श्री. तळेकर हे गेल्या काही वर्षांपासून दृष्टीदोषाने त्रस्त होते. साईसंस्थानच्या रुग्णालयातील तज्ञ डॉक्टर सौदामिनी निघुते यांनी त्यांच्यावर यशस्वी शस्त्रक्रिया केली. उपचारानंतर प्रथमच स्पष्ट दृष्टी अनुभवल्याने त्यांच्या आणि कुटुंबियांच्या आनंदाला पारावार उरला नाही.
श्री साईबाबा संस्थानच्या वतीने संस्थानच्या दोन्‍ही रुग्‍णालयात रुग्णांच्या उत्तम आरोग्यासाठी आधुनिक उपचार पद्धती आणि वैद्यकीय सेवा सातत्याने पुरवल्या जातात. अनेक रुग्णांना मोफत नेत्र उपचार आणि शस्त्रक्रिया केल्‍या जात आहेत.
या यशस्वी उपचाराबद्दल श्री. तळेकर यांनी संस्थान आणि डॉक्टरांचे आभार मानले असून, नव्याने मिळालेल्या प्रकाशमय जीवनाचा आनंद व्यक्त केला आहे.
(ऑनलाईन नेटवर्क डिजीटल मिडिया सहयोगी बातमीदार राजकुमार गडकरी शिर्डी यांच्या सहकार्याने बातमी प्रसिद्ध करण्यात आली आहे.)
0 Comments