विखे पाटील यांचे गाव आहे लोणी! त्यामुळे राधाकृष्ण विखे पाटील यांना हरवणार नाही कोणी ---केंद्रीय मंत्री रामदास आठवले

लोहगाव ( प्रतिनिधी)

लोणी या मतदारसंघाकडे माझी नजर आहे करडी! राधाकृष्ण विखे जिंकणार आहे शिर्डी!! तसेच विखे पाटील यांचे गाव आहे लोणी! त्यामुळे राधाकृष्ण विखे पाटील यांना हरवणार नाही कोणी!! अशी काही काव्यात्मक कोटी करत केंद्रीय समाज कल्याण राज्यमंत्री रामदास आठवले यांनी शिर्डीमध्ये महायुतीचे उमेदवार नामदार  राधाकृष्ण विखे पाटील यांना मोठ्या मताधिक्याने विजयी करण्याचे आवाहान केले.

लोणी बाजारतळ येथे सोमवारी सायंकाळी महायुतीचे उमेदवार नामदार राधाकृष्ण विखे पाटील यांच्या प्रचारार्थ विजयी संकल्प  सभेचे आयोजन करण्यात आले होते. यावेळी विधानपरिषदेचे भाजपचे गटनेते आमदार प्रवीण दरेकर, माजी मंत्री अण्णासाहेब म्हस्के पाटील, त्याचप्रमाणे विविध मान्यवर नेते यावेळी उपस्थित होते.

नामदार आठवले यावेळी पुढे म्हणाले की ,संविधान कोणीही बदलणार नाही, तसेच आरक्षणाला कोणीही हात लावू शकत नाही, विरोधक उगाच खोट्या अफवा पसरत असून त्यांच्या अफवांवर विश्वास ठेवू नका. असे सांगत शिर्डीत आपणाला लोकसभेत एकदा पराभूत केले त्यामुळेच मी भाजपात येऊन मंत्री झालो. त्यामुळे शिर्डीकर  व लोणीकरांचे खूप खूप आभारी आहोत. अशी मुश्किल टिपणीही यावेळी त्यांनी हसत हसत केली. नरेंद्र मोदी यांच्या मार्गदर्शनाखाली आम्ही केंद्रात राज्यात अनेक विविध योजना व विकास कामे करत आहोत. नामदार राधाकृष्ण विखे पाटील यांचे कामही चांगले आहे. त्यांना मोठ्या मताधिक्याने निवडून देण्याचे आवाहन त्यांनी यावेळी केले. यावेळी प्रवीण दरेकर म्हणाले की ,मुख्यमंत्री माझी लाडकी बहीण योजना हिला महाविकास आघाडीने मोठा विरोध केला .मात्र महायुती सरकारने ही योजना सुरू ठेवली आहे. त्यामुळे लाडक्या बहिणींचा महायुतीला मोठा पाठिंबा आहे .  नामदार राधाकृष्ण विखे पाटील यांचे काम मोठे आहे .त्यांना मोठ्या मताधिक्याने विजयी करावे असे आवाहन त्यांनी केले.

यावेळी  राधाकृष्ण विखे पाटील यांनी ही साईबाबांची व प्रवरेची पवित्र भूमी आहे .येथून आरोग्य व शैक्षणिक सोयी सुविधा पुरविल्या जातात .  मात्र येथे बाहेरील येऊन दहशतवाद असल्याचे सांगतात. हा येथील नागरिकांचा स्वाभिमान दुखवणारा विरोधकांकडून प्रयत्न होत आहे. अशा विरोधकांना या निवडणुकीत त्यांची जागा दाखवून द्या, असे आवाहन करत आपण सरकारच्या माध्यमातून येथे विविध योजना राबवल्या विकास कामे केली. एमआयडीसी मंजूर केली. नेवासाला ज्ञानेश्वर सृष्टी ,नगरला अहिल्याबाई होळकर स्मारक, निळवंडे धरण असे अनेक विकास कामे केली. विरोधकांकडे एकही असे विकास कामे दाखवायला नाहीत. असे सांगत मुख्यमंत्री लाडकी बहीण योजना कधीही बंद होणार नाही. असे आश्वासनही त्यांनी यावेळी दिले.

यावेळी माजी मंत्री अण्णासाहेब म्हस्के , राजेंद्र गोंदकर, बाळासाहेब जपे, व काही महिला आदींची भाषणे झाली. यावेळी मोठ्या संख्येने मतदार बंधू भगिनी युवक उपस्थित होते.