सावळीविहीर फाटा ते अहिल्यानगर हा रस्ता पुढे काम चालू, मागे खड्डे पडत असल्यामुळे सर्वांच्याच दृष्टीने मोठा त्रासदायक ठरत आहे.
त्यांनी म्हटले की , सावळीविहीर फाटा ते आहिल्यानगर हा रस्ता गेल्या अनेक वर्षापासून रखडलेला आहे. त्यामुळे अनेक छोटे-मोठे अपघात झाले असून अनेक जण मृत्युमुखी पडले आहेत तर अनेक जण जखमी झाले आहेत. सध्या रस्त्याचे काम चालू असले तरी पुढे काम आणि मागे खड्डे पडत आहेत. असा निकृष्ट दर्जाचा रस्ता होत आहे. त्याच्या विरोधात कोणी आवाज उठवत नाही. पण सामाजिक कार्यकर्ते संजय काळे यांनी या महामार्गासंदर्भात एक अनोखे आंदोलन हाती घेतले असून त्यांना पाठिंबा देण्याची गरज आहे. कारण हा रस्ता चांगल्या प्रकारे होणे हे गरजेचे आहे. हा महामार्ग उत्तर- दक्षिण भारताला जोडणारा महामार्ग असून शिर्डी सारखे आंतरराष्ट्रीय तीर्थक्षेत्र या मार्गावर आहे. मोठी वाहतूक या मार्गावर असल्यामुळे हा महामार्ग चांगल्या प्रकारे होणे आवश्यक आहे व त्यासाठी सामाजिक कार्यकर्ते संजय काळे हे अनोखे असे आंदोलन करत असून त्यांना प्रत्येक गावागावात पाठिंबा देऊन शेवटच्या दिवशी अहिल्यानगर येथे मोठ्या संख्येने त्यांच्याबरोबर जाऊन त्यांना एक प्रकारे मानसिक पाठबळ देण्याची गरज आहे. असे राहाता शिवसेना तालुकाप्रमुख संदीप रमेश विघे यांनी म्हटले आहे.
0 Comments