दिलीप शिंदे
सोयगाव दि.२९ - अनेक कुळांना कुल देवक वृक्ष आहेत. कळम आडनावाच्या कुळाचा कळम हा कुल देवक वृक्ष असल्याने सिल्लोड येथील वृक्ष संवर्धक व अभिनव प्रतिष्ठानचे उपाध्यक्ष डॉ. संतोष पाटील यांनी निसर्ग संवर्धन हेतू हा वृक्ष भवन येथे कळम हे आडनाव तथा कुळ सर्वाधिक असल्याने त्यांच्याच हस्ते व मदतीने ग्राम पंचायतच्या आवारात लावला. पूर्ण गावाने याच्या संगोपनाची जबाबदारी स्वीकारली आहे. विशेष म्हणजे या कळमच्या ४ फूट रोपाने जमिनीत रोपण होण्याआधीच निसर्गात सृजनाच्या मदतीची भूमिका चोख निभावली आहे.
--------------------------------------------------------------- जैवविविधतेत महत्त्वाची भूमिका - या वृक्षास ऑगस्ट सप्टेंबर मध्ये फुल व संयुक्त फळ लगडते, ज्यास मंद आकर्षक सुगंध असून त्या कडे मकरंद व पराग सेवनास असंख्य मधमाशा, कीटक, फुलपाखरे आकर्षित होतात जे कृषी व्यवस्थेस व जंगलातील इतर वनस्पपतींच्या फलणास मदत करते. कमांडर जातीच्या फुलपाखराचा जीवनक्रम यावर पूर्ण होतो व ते विकसित होऊन भिरभिरते. गाव कावळा, डोम कावळा हे पक्षी या मोठ्या झाडावर घरटी करतात. कीर पोपट, पहाडी पोपट, तुईया हे पक्षी याची फळे खातात व बीज प्रसार करतात.
डॉ. संतोष पाटील, अभिनव प्रतिष्ठान, सिल्लोड.
0 Comments