शिर्डीच्या साई संस्थांनला टीव्हीएस मोटर्स कडून दुचाकी देणगी स्वरूपात भेट!

शिर्डी (प्रतिनिधी) शिर्डी येथील

श्री साईबाबा संस्‍थानला साई भक्तांकडून तसेच विविध संस्था, कंपन्यांकडून विविध प्रकाराने साई चरणी देणगी दिली जाते.

श्री  साईबाबा संस्थान विश्‍वस्‍तव्‍यवस्‍था  शिर्डी करीता आज TVS कंपनीच्या वतीने JUPITER-113-SXC दुचाकी मोटारसायकल देणगी स्वरूपात सुपूर्द करण्यात आली. साईसंस्थानच्या वतीने या नवीन मोटर सायकलची विधिवत  पूजा करण्यात आली.

या प्रसंगी TVS मोटर्सचे उपाध्यक्ष श्री यु. सेल्वम यांनी संस्थानचे मुख्य कार्यकारी अधिकारी गोरक्ष गाडीलकर यांच्याकडे दुचाकीची चावी तसेच TVS X EV गाडीच्या किंमतीचा ₹2,60,000/- चा धनादेश सुपूर्द केला. त्‍यानंतर साईसंस्थानचे मुख्य कार्यकारी अधिकारी गोरक्ष गाडीलकर यांनी श्री यु. सेल्वम यांचा यथोचित सत्कार केला.

विशेष म्हणजे, यापूर्वीही TVS कंपनीने श्री साईबाबा संस्थानला १० दुचाकी आणि २ तीन चाकी वाहने देणगी स्वरूपात प्रदान केली आहेत.

यावेळी TVS कंपनीचे एरिआ मॅनेजर अभिजित व्यास, संस्थानचे उपमुख्य कार्यकारी अधिकारी संदिपकुमार भोसले, कार्यकारी अभियंता भिकन दाभाडे आणि वाहन विभाग प्रमुख अतुल वाघ उपस्थित होते.