सोयगाव तालुक्यातील जरंडी येथे कर्जबाजारी शेतकऱ्याची गळफास घेवून आत्महत्या, रात्री दहा वाजेची घटना---

दिलीप शिंदे सोयगाव

सोयगाव दि.06 -सोयगाव तालुक्यातील जरंडी येथे कर्जाच्या ओझ्याखाली विवंचनेत असलेल्या 47 वर्षीय शेतकऱ्याने राहत्या घरात गळफास घेऊन आत्महत्या केल्याची खळबळ जनक घटना गुरुवारी रात्री दहा वाजता घडली याप्रकरणी रात्री अकरा वाजता सोयगाव पोलिसांनी घटनास्थळी धाव घेऊन उपनिरीक्षक गजानन आरेकर सादिक तडवी,यांनी घटनेचा पंचनामा केला आहे रात्री उशिरा सोयगाव पोलीस ठाण्यात शेतकरी आत्महत्येची नोंद करण्यात आली आहे.

राजेंद्र मोतीराम घनघाव(वय 47)असे गळफास घेवून आत्महत्या ग्रस्त शेतकऱ्याचे नाव आहे जरंडी शिवारात त्यांची गट क्र-280 मध्ये पाच एकर शेती आहे खरिपात झालेले नुकसान आणि रब्बी तही बाधित झालेल्या पिकांची अवस्था पाहून कर्जबाजारी शेतकऱ्याने कर्जाच्या ओझ्याखाली विवंचनेत आत्महत्या केली असून त्यांचे कडे युनियन बँकेचे पीक कर्ज तीन लाख रु आणि खासगी कर्ज तीन लाख रु असे एकूण सहा लाख रु कर्जाच्या ओझ्याखाली असलेल्या या शेतकऱ्याने कर्ज फेडण्याची चिंतेत आत्महत्या केली रात्री उशिरा साडे अकरा वाजता महसूलच्या पथकाने घटनेचा पंचनामा केला आहे दरम्यान शुक्रवारी सकाळी अकरा वाजता त्यांचेवर अंत्यसंस्कार करण्यात येणार असून त्यांच्या पश्चात आई,पत्नी,दोन भाऊ,तीन मुली एक मुलगा असा परिवार आहे.