सावळीविहीर (प्रतिनिधी) राहता तालुक्यातील सावळीविहीर बुद्रुक व परिसरातील सर्व प्राथमिक व माध्यमिक विद्यालयात भारताचा प्रजासत्ताक दिन मोठ्या उत्साहात व विविध कार्यक्रमाने संपन्न झाला.
भारताच्या प्रजासत्ताक दिनानिमित्त सावळीविहीर बुद्रुक येथील रयत शिक्षण संस्थेच्या न्यू इंग्लिश स्कूल तसेच जिल्हा परिषद प्राथमिक शाळेच्या विद्यार्थ्यांनी हातात झेंडे घेऊन भारत माता की, जय वंदे मातरम, जय जवान जय किसान, अशा घोषणा देत सकाळी गावातून फेरी काढण्यात आली. शिक्षक व ग्रामस्थही प्रभात फेरीमध्ये सामील झाले होते. त्यानंतर सावळीविहीर ग्रामपंचायत समोर सौ अनुजा आनंद जपे यांच्या हस्ते ध्वजारोहण झाले.
सावळीविहीर वाडी येथील शाळेमध्ये ग्रामपंचायत सदस्या शैलजा महेंद्र पवार यांच्या हस्ते ध्वजारोहण करण्यात आले. तर कारवाडी येथील श्री हनुमान क्लास प्राथमिक शाळेमध्ये सौ. रूपालीताई संजय जपे यांच्या हस्ते ध्वजारोहण करण्यात आले. तर लक्ष्मीवाडी जिल्हा परिषद प्राथमिक शाळेत ग्रामपंचायत सदस्य संतोष विश्वनाथ कसबे यांच्या हस्ते ध्वजारोहण करण्यात आले. येथेही विद्यार्थी शिक्षक ग्रामस्थ उपस्थित होते.येथे भारताचा प्रजासत्ताक दिन सर्व विद्यालयात मोठ्या उत्साहात साजरा झाला.
0 Comments