दिलीप शिंदे
सोयगाव दि.०४ - सोसीयल मीडिया वर जंगलातील संरक्षित वन्यजीव, स्टंट, संकट ग्रस्त वनस्पती, अभयारण्य, वणवे लागतील असे कृत्य करून ते फेसबुक,व्हाट्सअप,इंस्टाग्राम वर व्हूज, लाइक्स मिळवून पैसे कमावण्याच्या लालसेने पोस्ट, रिल्स अपलोड करण्याचे प्रकार दिवसेंदिवस वाढत आहेत. यातून निसर्ग धोक्यात आला आहे.
--- नरक्याच्या नरक यातना काय आहेत--- या झाडाच्या सालीत व खोडात कॅम्पोथेसिन नामक कॅन्सरवर उपयोगी तत्व असून त्यापासून केमो थेरपीचे औषधं बनवले जाते. याचे संशोधन व पेटंट फक्त जपान व जर्मनी कडे आहे मात्र वृक्ष फक्त महाराष्ट्राच्या सह्याद्रीत आहे.त्या साठी गत २० वर्षांपासून या झाडाची चोरटी तस्करी होते आहे. जंगलातील ८० टक्के नरक्या आता तस्करांनी नामशेष केला.मुख्यतः तस्कर हे स्थानिक असून या ८- ९ वर्षात सुमारे ३० लाख किलो व पाचशे कोटी रु.हुन अधिक किमतीची नरक्याच्या पावडरची विदेशात तस्करी झालेचा अभ्यासक, जबाबदार प्रसिद्धी माध्यमे यांचा अंदाज आहे. २००७ मध्ये याच चांदोली मध्येच ६०० गोणी नरक्या ची तस्करी पकडली गेली होती.
-- विषयाचे सर्वात गांभीर्य काय- - हा व्हायरल व्हिडीओ युनेस्कोचे वर्ल्ड हेरिटेज साईट हा दर्जा प्राप्त असलेल्या व जैवविविधता हॉट स्पॉट असलेल्या, संरक्षित अभ्यारण्य व सह्याद्री टायगर रिझर्व क्षेत्रात येणाऱ्या संवेदनशील भागातील आहे. येथील जैवविविधता धोक्यात आली तर त्याचा नकारात्मक परिणाम जागतीक वारस्यावर होईल.
डॉ. संतोष पाटील, सिल्लोड .
------नरक्या काय आहे-- -या झाडाचे शास्त्रीय नाव -नोथापोडाइट्स निमोनियाना असे असून यास जेव्हा फुले व फळं धारणा होते तेव्हा त्याचा नाकाला घाणेरडा,असह्य दुर्गंध येतो म्हणून यास नरक्या म्हटलं जाते.
0 Comments