टाकळीभान: श्रीरामपूर तालुक्यातील टाकळीभान येथे सालाबाद प्रमाणे याही वर्षी श्री शंभू महादेव मंदिर येथे महाशिवरात्री उत्सव मोठ्या उत्साहात संपन्न झाला. येथील महादेव मंदिर हे पंचक्रोशीतील भाविकांचे श्रद्धास्थान असून पहाटे पासूनच शंभू दर्शनासाठी रांगा लागल्या होत्या. पहाटे ५.३० ते सकाळी ८ पर्यंत गंगाजल रुद्र अभिषेक पार पडला. तदनंतर सकाळी ९ ते १० या वेळेमध्ये ह भ प नानासाहेब माने, कु. राज किशोरी माने, चि. प्रयागराज माने यांच्या सुमधुरवाणीतून सुगम संगीत भजनाने भाविकांना मंत्रमुग्ध केले. तदनंतर १० ते १२ या वेळेमध्ये राष्ट्रीय कीर्तनकार ह. भ. प. सचिन महाराज ढोले(छ. संभाजीनगर) यांच्या सुस्राव्यवाणीतून कीर्तनाचा आस्वाद भाविकांनी घेतला. यानंतर उपस्थित सर्व भाविकांना खिचडी महाप्रसादाचे वाटप करण्यात आले.
सकाळी पत्रकार दिलीप लोखंडे यांकडून राजगिरा लाडूचा प्रसादाचे वाटप करण्यात आले तसेच अ. भा. श्रीकृष्ण गोपाळ सामाजिक संघटनेद्वारे भाविकांना खिचडी व केळी वाटप करण्यात आली.
0 Comments