डॉ. सुजय विखे पाटील यांच्याकडे कोल्हापूर उत्तरची धुरा! पुणे शिक्षक व पदवीधर मतदारसंघ निवडणूक २०२६ च्या पार्श्वभूमीवर भाजपकडून महत्त्वपूर्ण संघटनात्मक जबाबदारी

अहिल्यानगर : भारतीय जनता पार्टीचे प्रदेश उपाध्यक्ष तथा माजी खासदार डॉ. सुजय विखे पाटील यांच्यावर पक्षाने आणखी एक महत्त्वपूर्ण संघटनात्मक जबाबदारी सोपविली आहे. पुणे शिक्षक व पदवीधर मतदारसंघ निवडणूक २०२६ च्या पार्श्वभूमीवर त्यांची कोल्हापूर उत्तर विधानसभा मतदारसंघाच्या प्रभारीपदी नियुक्ती करण्यात आली आहे. भाजपाचे प्रदेशाध्यक्ष रवींद्र चव्हाण यांनी १२ ऑक्टोबर २०२६ रोजी जारी केलेल्या नियुक्तीपत्रातून ही घोषणा केली आहे.

डॉ. सुजय विखे पाटील यांच्याकडे यापूर्वीच भाजपाच्या प्रदेश उपाध्यक्षपदाची जबाबदारी आहे. त्याचबरोबर आयुष्मान भारत प्रकोष्ठच्या प्रभारी जबाबदारीही त्यांच्याकडे सोपविण्यात आली आहे . आता पुणे शिक्षक व पदवीधर मतदारसंघ निवडणुकीच्या अनुषंगाने कोल्हापूर उत्तर विधानसभा प्रभारीपदाची जबाबदारी देण्यात आल्याने त्यांच्या संघटनात्मक कार्यक्षेत्रात आणखी विस्तार झाला आहे.

पक्षाच्या संघटनात्मक रचनेत विविध स्तरांवर जबाबदाऱ्या सोपविताना स्थानिक पातळीवरील समन्वय, कार्यकर्त्यांची बांधणी आणि निवडणुकीचे नियोजन यांना महत्त्व असते. कोल्हापूर उत्तर विधानसभा मतदारसंघाची प्रभारी म्हणून काम करताना डॉ. सुजय विखे पाटील यांच्यावर या प्रक्रियेत समन्वय साधण्याची जबाबदारी असेल.

भाजपाकडून राज्यातील विविध विधानसभा मतदारसंघांसाठी प्रभारींच्या नियुक्त्या जाहीर करण्यात आल्या आहेत. या यादीत कोल्हापूर उत्तर मतदारसंघासाठी डॉ. सुजय विखे पाटील यांच्या नावाचा समावेश आहे. पक्षाने त्यांच्यावर सोपविलेली ही नवी जबाबदारी आगामी निवडणुकीच्या संघटनात्मक नियोजनाच्या दृष्टीने महत्त्वाची मानली जात आहे.

प्रदेश उपाध्यक्षपद, आयुष्मान भारत प्रकोष्ठची जबाबदारी आणि आता कोल्हापूर उत्तर विधानसभा प्रभारीपद, अशा विविध स्तरांवरील जबाबदाऱ्यांच्या माध्यमातून डॉ. सुजय विखे पाटील यांच्याकडे पक्षसंघटनेने महत्त्वपूर्ण भूमिका सोपविली आहे.

पक्षहिताला प्राधान्य देत संघटनात्मक जबाबदारी पार पाडण्याच्या दृष्टीने ही नियुक्ती महत्त्वाची ठरणार आहे. नव्या जबाबदारीसाठी डॉ. सुजय विखे पाटील यांच्यावर अभिनंदन आणि शुभेच्छांचा वर्षाव होत आहे.@all