दिलीप शिंदे सोयगाव
सोयगाव दि.19, सोयगाव तालुका खरेदी विक्री संघाच्या चेअरमन व व्हाईस चेअरमन पदाच्या निवडणूकीसाठी येथील खरेदी विक्री संघाच्या कार्यालयात शनिवार प्रक्रिया पार पडली. या निवडणुकीत चेअरमन पदी शिवसेनेचे जिल्हाप्रमुख( उबाठा ) राजेंद्र राठोड यांची तर व्हाईस चेअरमनपदी रंगनाथ रामदास वराडे यांची निवड झाली. या निवडीनंतर सोयगाव शहरातील आमदार अब्दुल सत्तार यांच्या जनसंपर्क कार्यालय सेना भवन समोर कार्यकर्त्यांनी एकच जल्लोष केला.
याप्रसंगी आमदार अब्दुल सत्तार यांची प्रमुख उपस्थिती होती. आमदार अब्दुल सत्तार यांच्या प्रमुख उपस्थितीत नवनिर्वाचित चेअरमन, व्हाईस चेअरमन व नवनिर्वाचित संचालकांच्या उपस्थितीत शहरात भव्य विजयी मिरवणूक काढण्यात आली. या मिरवणुकीदरम्यान एका खुल्या वाहनातून नवनिर्वाचित चेअरमन राजेंद्र राठोड, व्हाईस चेअरमन व संचालकांनी शहरवासीयांचा सत्कार स्वीकारून मतदार व नागरिकांचे आभार मानले. प्रारंभी सेना भवन येथे नवनिर्वाचित चेअरमन, व्हाईस चेअरमन व संचालकांचा आमदार अब्दुल सत्तार यांच्या हस्ते सत्कार करण्यात आला. या विजयी रॅलीमध्ये नवनिर्वाचित संचालक प्रभाकर काळे ,संजय निकम ,सुभाष बोरसे ,मुरलीधर वेहळे, भगवान लहाने, राधेश्याम जाधव, गुलाबसिंग पवार ,चंदाबाई राजपूत, प्रतिभा सोळंके ,भारत तायडे, मोतीराम तेली यांच्यासह शिवसेना शिंदे गट व उबाठा गटाचे पदाधिकारी - कार्यकर्ते मोठ्या संख्येने उपस्थित होते.
0 Comments