(राजकुमार गडकरी शिर्डी)
शिर्डी ( प्रतिनिधी)शिर्डी येथे येत्या १२ ते १६ ऑक्टोबर २०२५ दरम्यान भव्य शिवपुराण कथा महोत्सवाचे आयोजन करण्यात आले असून, या भव्य दिव्य अशा अध्यात्मिक कार्यक्रमात मार्गदर्शन स्वतः परमपूज्य प्रदीपजी मिश्रा महाराज करणार असल्याचे डॉ सुजय विखे पाटील यांनी सांगितले.
डॉ. सुजय विखे पाटील यांनी मध्यप्रदेशातील सीहोर जिल्ह्यातील कुबेरेश्वर धाम येथे जाऊन महाराजांची प्रत्यक्ष भेट घेऊन त्यांना शिर्डी येथे येण्याचे सादर आमंत्रण दिले असून येत्या १२ ते १६ ऑक्टोबर २०२५ दरम्यान भव्य शिवपुराण कथा महोत्सवाचे होणार आहे.
शिवकथा महोत्सवाची संपूर्ण आयोजनाची जबाबदारी विखे पाटील कुटुंब घेणार असून,या कार्यक्रमामागे एक हृदयस्पर्शी प्रेरणा आहे. गेल्या अनेक महिन्यांपासून शिर्डी व अहिल्यानगर परिसरातील माता-भगिनींनी सातत्याने विनंती केली होती की, शिवकथे सारखा अध्यात्मिक सोहळा आपल्या भूमीत व्हावा. या भक्ती भावाला प्रतिसाद देत डॉ सुजय विखे पाटील यांनी कार्यक्रमाच्या आयोजनासाठी पुढाकार घेतला आहे. या कार्यक्रमाला ५ लाख पेक्षा जास्त भाविक उपस्थित राहणार आहेत.
शिवकथा केवळ श्रवणाचा सोहळा नाही, तर आत्मशुद्धी आणि जीवनाला दिशा देणारा प्रकाशस्तंभ आहे. त्यामुळे आपण सर्वांनी या पावन महोत्सवात सहभागी व्हावे, असे आवाहन डॉ. सुजय विखे पाटील यांनी केले आहे. अनेक दिवस अहिल्यानगर जिल्ह्यामध्ये शिवपुराण कथेची प्रतीक्षा होती. ती आता पूर्ण होणार आहे. त्यामुळे अहिल्यानगर जिल्ह्यातील भाविकांमधून विशेषता महिला भाविकांमधून मोठा आनंद व्यक्त होत आहे. तसेच विखे पाटील परिवारामुळे ही शिवपुराण कथा जिल्ह्यात होतआहे. त्यामुळे विखे पाटील परिवाराला धन्यवाद देण्यात येत आहे.
0 Comments