टाकळीभान, ( वार्ताहर ) शाळेतील मस्ती, एकत्रितपणे केलेला अभ्यास, शिक्षकांचा विद्यार्थ्यांवरील वचक, शाळेतील क्रीडा स्पर्धा, शिक्षकांनी दिलेली शिक्षा, स्नेहसंमेलन आणि त्यातील सांस्कृतिक कार्यक्रमाची धूम अशा विविध विषयांवर माजी विद्यार्थ्यांनी गप्पा करून जुन्या आठवणींना उजाळा दिला.
प्रारंभी डाॅ कर्मवीर भाऊराव पाटील यांच्या पुतळ्यास मान्यवरांच्या हस्ते पुष्पहार अर्पन करून दिपप्रज्वलन करण्यात आले. तसेच यावेळी मान्यवरांचा सत्कार करण्यात आला.
यावेळी अहमद शेख, अश्पाक शेख, डाॅ. शारदा रणनवरे, प्राचार्य बी टी इंगळे, ए ए पाचपिंड, बापूसाहेब नवले, शंकर गायकवाड, मंगल मगर दिनकर बनसोडे यांनी मनोगत व्यक्त केले.
१९८६ ते २०२४ जवळपास ३८ वर्षानंतर या विद्यालयात शिक्षण घेतलेल्या माजी विद्यार्थ्यांच्या भेटी होवून जुन्या आठवणींना उजाळा मिळाला या शाळेत शिक्षण घेतलेले अनेक विद्यार्थी आज राजकारण, उद्योग, शिक्षण, सांस्कृतिक, सामाजिक क्षेत्रात काम करीत असून त्यांनी आपल्या कामाचा वेगळा ठसा उमटविला आहे. सकाळी ९ वाजता शाळेतील माजी विद्यार्थी एकत्र आल्यावर विद्यार्थ्यांनी आपला परिचय देवून त्या वेळेच्या काही गमतीदार आणि काही चांगल्या आठवणींना उजाळा दिला. कार्यक्रम यशस्वी करण्यासाठी प्रा. दिलीप खंडागळे, संतोष मगर, प्रकाश काठेड, नानासाहेब बोडखे, मेजर पोपट दाभाडे, नानासाहेब बनकर, राजेंद्र नवले आदींनी परिश्रम घेतले.
कार्यक्रमाचे सुत्रसंचालन प्रा. दिलीप खंडागळे यांनी केले तर आभार अण्णासाहेब पवार यांनी मानले.
0 Comments