शिर्डी (प्रतिनिधी)
आयोध्या ( अनिल गुंजाळ) देशातील सर्वात प्रसिद्ध व ऐतिहासिक महत्त्व असणारे धार्मिक शहर म्हणजे आयोध्या होय. सर्वांचे दैवत असणाऱ्या व मोठी श्रद्धा असणाऱ्या श्रीरामाच्या जन्मभूमीला भेट देण्याचा नुकताच सर्व ग्रुपला बरोबर घेऊन योग आला. आणि श्रीरामाचे दर्शन मनोभावे दर्शन झाले . मोठे समाधान व आनंद त्यामुळे सर्वांनाच मिळाला. भव्य दिव्य अशा असणाऱ्या या मंदिरामध्ये श्रीराम लल्लाचे दर्शन घेतल्यानंतर एक आध्यात्मिक ऊर्जा निर्माण होऊन मनाला मोठे समाधान वाटले.
राम मंदिरात जाताना पाच सुरक्षेचे टप्पे आहेत. इथे तुमची तपासणी होते. प्रथम भव्य अशा सिंह द्वारातून राम मंदिर परिसरात प्रवेश केल्यानंतर इथं 32 पायऱ्या आहेत. वृद्ध किंवा अपंग व्यक्ती असतील तर त्यांच्यासाठी इथे व्हीलचेअरची सुविधा देखील उपलब्ध आहेत. मंदिरात जाण्यापूर्वी मोठे पटांगण रस्ते आहेत. व सुशोभित असा मंदिर परिसर बनवण्यात आला आहे. राम मंदिरातील आरतीमध्ये सहभागी व्हायचं असेल तर पास घ्यावा लागतो. या पाससाठी तुम्हाला आयडी प्रुफ द्यावा लागतो. मंदिर परिसरात प्रवेश करतानाच लोकर च्या शेजारीच पास मिळतो.आयडी प्रुफ दिल्यानंतर तुम्हाला पास दिला जातो. हा पास असेल, तरच तुम्ही रामलल्लाच्या आरतीत सामील होऊ शकता. मात्र मोजक्याच लोकांना पहाटेच्या मंगल आरतीसाठी पास दिला जातो.
श्रीराम मंदिरात श्री रामलल्लाची दररोज आरती होते. मंगला आरती सकाळी 4. 30, श्रृंगार आरती, सकाळी 6.30-7 यावेळात होते. भोग आरती सकाळी 11. 30, संध्या आरती संध्याकाळी 6.30, भाग आरती रात्री 9, शयन आरती रात्री 10 वाजता होते.राम मंदिर परिसरात मोफत प्रसादाची व्यवस्था करण्यात आली आहे. आरती दर्शनानंतर राम जन्मभूमी ट्रस्टकडून मोफत प्रसाद दिला जातो.
सुरक्षेच्या कारणास्तव राम मंदिर परिसरात फोन, चार्जर, वॉलेट, चावी, इलेक्ट्रॉनिक सामान घेऊन जायला बंदी आहे. राम मंदिर परिसरात गेलात आणि या पैकी काही वस्तू तुमच्याकडे असतील. तर तिथल्या लॉकरमध्ये तुम्ही या वस्तू ठेवू शकता. तशी ट्रस्टने सोय केली आहे.यासाठी कोणतीही रक्कम आकारली जात नाही. येथे स्वच्छ थंडगार पाणी उपलब्ध आहे. भव्य दिव्य परिसर व लाल दगडातील हे भव्य दिव्य मंदिर पाहून प्रत्येक जण अवाक झाल्याशिवाय राहत नाही. असे कलाकुसरीचे हे मंदिर भारतात एक भव्य दिव्य व प्रसिद्ध असे असून ते सर्वांच्या अध्यात्मिक आकर्षणाचे केंद्र ठरत आहे. मंदिरातील श्रीराम लल्लाची ही मूर्ती 5 वर्षाच्या मुलाच्या रूपात बनवण्यात आली आहे, ज्यामध्ये रामलल्लांचे बालस्वरूप दगडाच्या कमळावर बसलेले दाखवण्यात आले आहे. मंदिरात मूर्तीचे दर्शन झाल्यानंतर अगदी प्रसन्न व अध्यात्मिक ऊर्जा प्राप्त झाल्यासारखे समाधान मिळते. श्री राम मंदिरा नंतर येथे दर्शनासाठी अनेक मंदिर आहेत.अयोध्या ही घाट आणि मंदिरांसाठी प्रसिद्ध नगरी आहे. शरयु नदीच्या काठावर अयोध्या नगरी वसलेली आहे. शरयु नदीच्याकाठावर 14 प्रमुख घाट आहे. यात गुप्तद्वार घाट, कैकई घाट, कौशल्या घाट, पापमोचन घाट, लक्ष्मण घाट इत्यादी विशेष उल्लेखनीय आहे. घाटावर येथे सायंकाळी गंगेचीआरती होते.
तर अयोध्येच्या मध्यभागी श्री हनुमानगढी असून टेकडीवर श्री हनुमानाचे प्रसिद्ध मंदिर आहे. येथे दर्शनासाठी मोठी गर्दी असते. लाडूचा भोग व प्रसाद येथे दिला जातो . येथील दर्शन ही खूप महत्त्वाचे आहे.
हनुमानगढ़ी क्षेत्रा मध्येच दंतधावन कुंड आहे. जिथे प्रभू श्रीराम आपल्या दातांची स्वच्छता करायचे. यालाचा राम दतौन म्हणतात. कनकभवन मंदिर हे प्रसिद्ध मंदिर आहे अयोध्यामध्ये कनकभवन मंदिर पण बघण्यासारखे आहे. जिथे श्रीराम आणि जानकीची सुंदर मूर्ती ठेवलेली आहे.
अयोध्यामध्ये राजा दशरथ यांचे महल खुप प्राचीन आणि विशाल आहे. अयोध्यामध्ये एक दिगंबर जैन मंदिर आहे. जिथे ऋषभदेवजी यांचा जन्म झाला होता. अयोध्यामध्ये आदिनाथ व्यतिरिक्त अजितनाथ, अभिनंदननाथ, सुमतिनाथ आणि अनंतनाथ यांचा जन्म झाला होता. त्यांच्या जन्मस्थळावर पण मंदिर बनले आहे. असे मंदिरांचे, घाटांचे शहर व श्रीरामाचे असे महत्त्वाचे शहर म्हणून आयोध्या असून या ठिकाणी दर्शन एकदा तरी प्रत्येकाने जाऊन घ्यावे व श्री रामाचा जयजयकार करावा असे मनोमन वाटते.
0 Comments